Канцэрт-закрыццё ансамбля Сябры

Урачыстае закрыццё ХVІІ Нацыянальнага фестывалю беларускай песні і паэзіі “Маладзечна – 2017”.

Нацыянальны фестываль беларускай песні і паэзіі “Маладзечна” адбудзецца сёлета ў сямнаццаты раз. На галоўных канцэртных пляцоўках горада пройдуць шматлікія творчыя сустрэчы. Урачыстае закрыццё песенна-музычнага форуму адбудзецца на сцэне летняга Амфітэатра 3 чэрвеня.

Нацыянальны фестываль беларускай песні і паэзіі можна смела лічыць адным з буйнейшых творчых форумаў. Кожны год музычнае свята развівае і ўзбагачае свае добрыя традыцыі папулярызацыі айчыннага мастацтва. Галоўнай асаблівасцю фестывалю з’яўляецца беларускае слова, якое гучыць з кожнай сцэнічнай пляцоўцы. Лейтматывам свята стане 135-годдзе з дня нараджэння народных паэтаў Беларусі Я. Купалы, Я. Коласа.

Фінальным акордам ХVІI Нацыянальнага фестывалю беларускай песні і паэзіі стане канцэрт-закрыццё, прысвечаны 45-годдзю Заслужанага калектыву Рэспублікі Беларусь ансамбля “Сябры”.

Легендарныя артысты чатыры дзясяцігоддзі радуюць слухачоў сваёй творчасцю, злучаючы традыцыі і сучаснасць. Залатыя хіты “Алеся”, “Лягу прылягу”, “Гулять дык гулять!” і многія іншыя “Сябры” падораць 3 чэрвеня ў 21.30 у Аміфтэатры.

Удзел у святочным канцэрце прымуць зоркі беларускай эстрады.

© md-eksperiment.org