Мелетій Смотрицький. Епикграмма на герб
Крéст ся Хрістóв славою вѣрных именуєт,
Им ся самым апóстол хвали́ть росказуєт.
Тым ся знáком божія церков украшáєт
И старожи́тных дóмов зáцность вывышáєт.
Тьíм ся лукáвых духов гуфы прогоня́ють
И вáрварских народов полъки побѣждáють.
Щасли́вый дом Окгинъских, котóрый тот мáєт
Клейнот c продков подáный, и в ним ся кохаєт.
Кгды ж то знáк набожéнъства и стáлоє вѣры,
Тым ся здáвна ѝх здóбят сынóве и дъщеры.
А на том фунъдамéнътє вси цнóты будують,
Отчи́знє ми́лой дéлъным мужъством услугують.
Што звьíкло безсмéрътную слáву изєднáти,
Котóрая на свѣтє пóты будет тървáти,
Поки мѣсяць и звѣзды свой бѣг справовáти
И нóчныє тéмности будуть просвещáти.
Твори
Критика
